Tarixi

“Ingliz tili” kafedrasi mudiri 

Begov Fayzullo Raxmatulloyevich

Tel.:+99871 237 06 18

E-mail:englishlanguage@e-tiiame.uz

 

 


“Ingliz tili” kafedrasi “O‘zbek tili va chet tillar” kafedrasi tarkibidan 2013 yilning dekabr oyi oxirida ajralib chiqdi va 2014 yilning yanvar oyidan boshlab mustaqil kafedra sifatida faoliyat ko‘rsata boshladi. Avvalgi kafedra tarkibida ingliz tili bilan birga nemis, fransuz, o‘zbek va rus tillari ham mavjud edi. Kafedraga 2014 yil 5 yanvardan katta o‘qituvchi Mahmudov Xursand Alievich rahbar etib tayinlandi.  Kafedrada 2 ta dotsent, 4 katta o‘qituvchi, 23 nafar o‘qituvchilar hamda 1 nafar laborant va kabinet mudiri mehnat qilmoqda. 2014 yildan boshlab ingliz tili kafedrasi proofessor-o‘qituvchilari “Ingliz tilini o‘rgatish jarayonida talabalarda kommunikativ xabardorlikni shakllantirish” mavzusi ustida ilmiy-pedagogik faoliyat olib bormoqdalar. Yangi tashkil etilgan kafedra o‘qituvchilari o‘quv jarayoni va institut faoliyatida faol ishtirok etmoqdalar. 6 nafar o‘qituvchi o‘quv guruhlariga murabbiylar sifatida biriktirilganlar. “Ingliz tili” kafedrasi o‘qituvchilari har yili iqtidorli talabalarni fanlar Olimpiadasiga tayyorlashda o‘z hissalarini qo‘shmoqdalar. Kundan kunga chet tillarni o‘rganishga bo‘lgan qiziqishning ortib borishini hisobga olgan holda kafedrada o‘qituvchilari tomonidan ingliz tili o‘rgatishga katta e’tibor berilmoqda. Ingliz tilini o‘rgatishdan asosiy maqsad ularda til haqidagi bilimlari va ko‘nikmalarini chuqurlashtirish va kommunikativlik xabardorlikni shakllantirishdan iborat. Bu bilim va ko‘nikmalarga ega bo‘lgan talabalar ijtimoiy-iqtisodiy, ta’limiy va madaniy sohalarda ingliz tilidagi dialogik nutqni bemalol qo‘llana olishlari imkoniyati yaratiladi. Ingliz tili o‘rgatishning asosiy uslublaridan biri talabalarda kommunikativlikni shakllantirishga qaratilgan ilg‘or pedagogik texnologiyalarni faol qo‘llanishdan iborat. O‘zbekiston Respublikasining global bozor iqtisodiyoti tizimiga tobora chuqurroq kirib borayotganligi natijasida boshqa mamlakatlar bilan iqtisodiy va madaniy aloqalarning kengayib borayotir. Mazkur holni hisobga olgan holda O‘zbekiston Respublikasi Prezidenti I. A. Karimovning 2012 yil 10 dekabrdagi “Chet tillarni o‘qitishni yanada takomillashtirish to‘g‘rsida”gi  PQ 1875 –sonli Qarori bunga yorqin misol bo‘la oladi.  “Ingliz tili” kafedrasining asosiy vazifalaridan biri iqtisodiy bilimga ega bo‘lgan mutaxassisning ingliz tilini  chuqur bilishi orqali ularni o‘zaro kundalik va madaniy aloqalarda tilni bemalol qo‘llana olishlariga sharoit va imkoniyat yaratish hamda ularni raqobatbardosh kadrlar bo‘lib yetishilariga zamin yaratishdir.  Shu bilan birga ularda ingliz tilini chuqur o‘rganishga yo‘naltirilgan ko‘nikma va malakalarini rivojlantirish, chet tilini o‘rgatish sifatini oshirishga qaratilgandir. Xalqaro hamkorlik doirasida iqtisodiy investitsiyalarni O‘zbekiston suv xo‘jaligi tizimlariga samarali jalb qilish masalasi ingliz tilini puxta bilgan mutaxassislarga bo‘lgan talab asosida ilmiy-tadqiqot ishlari yo‘nalishlari belgilab olindi. Shu maqsadlarni nazarda tutib “Ingliz tili” kafedrasining faoliyat ko‘rsatishi muhimdir.

Suv xo'jaligini tashkil etish va boshqarish fakulteti O'qitiladigan fanlar Ilmiy ishlar Tadqiqotchilar Hamkorlar Kafedra xodimlari To'garaklar Dars jadvali Aloqalar