Тарихи

«Ахборот технологиялари» кафедраси мудири 

ф.-м. ф. н., доцент

Абдуллаев Зафар Саифутдинович 

тел: (99871)237-19-48,     

E-mail: zabdullaev@yandex.ru

 


1967 йилда «Олий математика» кафедрасидан «Ҳисоблаш математикаси» кафедраси ажралиб чиққан. 1969 йилгача кафедрада ўқув жараёнини ташкил этиш учун механик ва электромеханик ҳисоблаш машиналаридан фойдаланилган. 1969 йилда  биринчи электрон  ҳисоблаш машинаси «Мир» ўрнатилган. 1972 йилда эса кафедрага «Минск-32» ЭҲМ олиниб, кафедра қошида ҳисоблаш маркази ташкил этилган. Шу йилдан бошлаб барча мутахассисликлар ўқув режаларига «Инженерлик ва иқтисодий ҳисоблашларда ҳисоблаш техникаси» фани киритилди. 1972 йилда институтда «Искра» типидаги ЭҲМ синфлари ташкил этилди. 1980 йилда ўқув юртига «ЕС-1022» ЭҲМ олинди. «Ҳисоблаш математикаси» кафедрасининг биринчи мудири доцент К.К.Конусбеков бўлган. 1972 йилдан 1980 йилгача кафедрага доцент А.С.Хабиров, 1980 йилдан 1994 йилгача профессор А.А.Гафуров раҳбарлик қилган. 1992 йилда Ўзбекистон Республикаси Фанлар Академиясининг академиги В.Қ.Қобулов ташаббуси билан ТИМИ да «Инженерлик ҳисобларида математик усуллар ва моделлар» кафедраси ташкил этилди.   1992 йилдан 2011 йилгача кафедрага техника фанлари доктори, профессор Ҳ.Эшматов,  2011 йилдан 2017 йилгача техника фанлари номзоди, доцент С.С.Мирзаев раҳбарлик қилган. 2017 йилдан ҳозирги кунгача кафедрага доцент З.С.Абдуллаев раҳбарлик қилмоқда. 1994 йилда «Ҳисоблаш математикаси» ва «Инженерлик ҳисобларида математик усуллар ва моделлар» кафедралари бирлаштирилиб, янги «Ҳисоблаш математикаси ва математик моделлаштириш» кафедраси ташкил этилди ва унга профессор Ҳ.Эшматов мудир этиб тайинланди. 1998-2002 йилларда кафедрага ўриндошлик асосида ишлаш учун академик В.Қ.Қобулов таклиф этилди. В.Қ.Қобулов раҳбарлигида кафедрада қишлоқ ва сув хўжалигининг долзарб муаммоларини ҳал этишда ахборот технологиялари ва математик усулларни қўллаш бўйича илмий ва услубий ишлар амалга оширилди. 2001 йилда кафедра номи «Информатика ва ахборот технологиялари», 2004 йилда эса «Ахборот технологиялари» деб ўзгартирилди. Турли йилларда кафедрада юқорида номлари тилга олинган кафедра мудирлари билан бир қаторда профессор Г.Шодмонова, доцентлар З.М.Ландсман, Г.А.Попов, Д.Т.Мирзараҳимова, Н.Муҳамедов, М.Р.Мусамуҳамедов, К.Жамолов, Н.Б.Шамситдинов, З.Саидмуродов, Ш.С.Насретдинова, М.Юсупов, Ш.П.Бобаназаров, Ю.Х.Эшқобилов, Х.Х.Каримова, Д.А.Ходжаев, Б.Х.Эшматов, катта ўқитувчилар М.М.Ходиев, З.Қ.Қурбоналиев, Г.А.Раҳмонова, Р.И.Жукова, И.С.Ахмеров, Ш.А.Айнакулов, ассистентлар Х.Тоғаев, Х.И.Усмонов, Ш.Х.Зияева, С.П.Мавлонов, Г.А.Абдумаликова, У.А.Насритдинова, А.О.Маматкуловлар самарали меҳнат қилганлар. Ҳозирги кунда кафедранинг ўқув лабораторияси замонавий компьютер техникаси билан жиҳозланган бўлиб, улар институт локал тармоғи ва Интернет глобал тармоғига уланган. Кафедранинг асосий вазифаси талабаларга ахборот технологияларининг техник ва дастурий таъминотини, қишлоқ ва сув хўжалигидаги мутахассислик масалаларини ечишга ахборот технологиялари ва математик усулларни қўллашни, замонавий ахборот технологиялари ва тизимларидан фойдаланиш асосларини, компьютер тармоқларида ишлаш асосларини, маълумотларни қайта ишлаш усуллари ва воситаларини, мутахассислик масалаларининг математик моделларини  қуришни ўргатишдан иборат.  Кафедра профессор-ўқитувчилари томонидан яратилган “Информатика ва ахборот технологиялари” ўқув қўлланмаси 2013 йилда “Йилнинг энг яхши дарслиги ва ўқув адабиёти муаллифи” Республика танловида 1-ўринга сазовор бўлди. Кафедра ассистенти У.Насритдинова 2014 йил ўтказилган Ўзбекистон Республикаси олий ва ўрта махсус таълим вазирлигининг “Ёшларнинг инновацион ғоялари” Республика кўрик танловида иштирок этиб, 2-даражали дипломга сазовор бўлди. Кафедра доценти Г.Шодмонова 2015 йилда Олий ва ўрта махсус таълим вазирлигининг “Олий таълим муассасасининг энг яхши педагоги” танлови ғолиби бўлди.


Сув хўжалигини ташкил этиш ва бошқариш факультети Ўқитиладиган фанлар Илмий ишлар Тадқиқотчилар Ҳамкорлар Кафедра ходимлари Тўгараклар Дарс жадвали Алоқалар